სიახლეების გამოწერა

გარემოს დაცვის საერთაშორისო დღესთან დაკავშირებით 5 ივნისს, წალკის მმუნიციპალიტეტის გამგეობის, საკრებულოს, ”საქართველოს მოხალისეთა” და ”საქართველოს მწვანეთა მოძრაობა-დედამიწის მეგობრები-საქართველოს” ორგანიზებითა და მხარდაჭერით, წალკის მუნიციპალიტეტში დასუფთავების აქცია გაიმართა.

დასუფთავდა ქ. წალკისა და დაბა თრიალეთის მიმდებარე ტერიტორია და ნაგავსაყრელი. დასუფთავებაში აქტიურად ჩაერთნენ წალკის მუნიციპალიტეტის პირველი და მეორე საჯარო სკოლის პედაგოგები და მოსწავლეები. პირველი საჯარო სკოლის პედაგოგებმა და მოსწავლეებმა სკოლიდან გამგეობის შენობამდე ველოსიპედებით მსვლელობა მოაწყვეს, მათი მიზანი ეკოლოგიურად სუფთა ტრანსპორტის - ველოსიპედის რეკლამირება იყო. დასუფთავებაში ასევე აქტიური მონაწილეობა მიიღეს წალკის მუნიციპალიტეტის გამგეობისა და საკრებულოს ხელმძღვანელმა პირებმა და თანამშრომლებმა. 
წალკის მუნიციპალიტეტმა გამოყო ტრანსპორტი და შესაბამისი დამხმარე პერსონალი, რომელთაც მოგროვებული ნაგავი გადაიტანეს დაბა თრიალეთის ნაგავსაყრელზე.