სიახლეების გამოწერა

ქვემო ქართლში სახელმწიფო რწმუნებული- გუბერნატორის ადმინისტრაციის, მეტყველების განვითარებისა და კორექციის ცენტრ „ლოგომედის“ ინიციატივითა და წალკის მუნიციპალიტეტის გამგეობის მხარდაჭერით, წალკის მუნიციპალიტეტს ეწვევა „ლოგომედის“ სპეციალისტთა ჯგუფი, რომელიც მუნიციპალიტეტში მცხოვრები ბავშვებისა და ზრდასრულებისთვის განახორციელებს მეტყველების დარღვევის უფასო დიაგნოსტირებასა და გასინჯვას.

„ლოგომედის“ სპეციალისტები მშობლებს მიაწვდიან ინფორმაციას მკურნალობის იმ ღონისძიებების შესახებ, რომლებიც აუცილებელია ბავშვებში მეტყველებასთან დაკავშირებული პრობლემების გადასაჭრელად. ზრდასრულ კონტიგენტს კი მეტყველების დეფექტების გამომწვევი მიზეზების დასაძლევად საჭირო გეგმას გააცნობენ.
სამედიცინო აქცია ჩატარდება 2015 წლის 21 ივნისს წალკის მუნიციპალიტეტის ბაგა- ბაღის შენობაში (მისამართი: ქ.წალკა ჭელიძის ქუჩა № 59).