სიახლეების გამოწერა

ინფორმაცია მოსახლეობისთვის

თევზის ინფექციური დაავადების – აერომონოზის – გავრცელების პრევენციის მიზნით, შესაბამისი სახელმწიფო უწყებების გადაწყვეტილებით, წალკის წყალსაცავსა და მდინარე ქციის შესაბამის მონაკვეთებზე მოქმედებს კარანტინის რეჟიმი.

კარანტინის პერიოდში მოქალაქეებს ეკრძალებათ:

თევზაობა;

ნებისმიერი სახის თევზის გატანა კარანტინის ზონიდან;

დახოცილი ან დაავადებული თევზის შეგროვება და საკვებად გამოყენება;

დაავადებული თევზის რეალიზაცია ან გავრცელება.

მოვუწოდებთ მოსახლეობას, დაიცვან დაწესებული შეზღუდვები და გაითვალისწინონ შესაბამისი უწყებების რეკომენდაციები. აღნიშნული ღონისძიებები მიზნად ისახავს დაავადების გავრცელების პრევენციასა და მოსახლეობის ჯანმრთელობის დაცვას.

კარანტინის რეჟიმი იმოქმედებს შესაბამისი სახელმწიფო უწყების მიერ განსაზღვრული ვადით.