სიახლეების გამოწერა

საინფორმაციო შეხვედრები წალკის მუნიციპალიტეტში

25, 26 ივნისაა და 3 ივლისს ნატოსა და ევროკავშირის შესახებ საინფორმაციო ცენტრის წარმომადგენელმა ქვემო ქართლში, თემურ სუყაშვილმა, წალკის მუნიციპალიტეტის სოფლებში - ბეშთაშენში, გუმბათსა და ბარეთის თემში  ადგილობრივ მოსალეობასთან საინფორმაციო შეხვედრები გამართა.

მოსახლეობასთან პირისპირ დიალოგის რეჟიმში ყურადღება გამახვილდა საქართველო ნატოს ურთიერთობის მნიშვნელოვან დეტალებზე, მიღწეულ წარმატებებზე, არსებულ გამოწვევებსა და საფრთხეებზე. აღინიშნა ჩვენი ქვეყნის ევროპულ და ევროატლანტიკურ სტრუქტურებში გაწევრიანების გზაზე განხორციელებული რეფორმები, ევროინტეგრაციის პროცესის დინამიკა, განხორციელებული და მიმდინარე პროგრამების მნიშვნელობა.

შეხვედრის მნიშვნელოვანი ნაწილი დაეთმო საზოგადოებაში მომძლავრებულ ანტიდასავლურ პროპაგანდას და მათგან მომდინარე საფრთხეებს. დაასახელდა ის მითები, რომლებიც აქტიურად ვრცელდება წალკის მუნიციპალიტეტში, რომელიც მრავალეთნიკურობით გამოირჩევა. ქვემო ქართლის ბიუროს წარმომადგენელმა აუდიტორიას საინფორმაციო-ბეჭდური მასალები (მათ შორის ეთნიკური უმცირესობების ენაზე შედგენილი) გადასცა და მათ შეკითხვებსაც უპასუხა.

აღსანიშნავია, რომ ეს არის პირველი მასშტაბური პროექტი, რომელიც საინფორმაციო ცენტრმა ანტი-დასავლური პროპაგანდისგან მომდინარე საფრთხეების წინააღმდეგ საქართველოს მოსახლეობის სწორად ინფორმირებულობის და ქვეყნის ევროპული და ევრო-ატლანტიკური ინტეგრაციის პროცესების შესახებ ეფექტიანი კომუნიკაციის მიზნით მიიღო. პროექტის ფარგლებში შეხვედრები, მრგვალი მაგიდის დისკუსიები და სემინარები იმართება რეგიონის სხვადასხვა სოფლის მოსახლეობასთან და მუნიციპალიტეტების მერიებში.

პროექტი საინფორმაციო ცენტრის ორგანიზებით, აშშ-ს სახელმწიფო დეპარტამენტისა და საქართველოში აშშ-ს საელჩოს მხარდაჭერით იმართება და მისი მიზანია ქვეყნის ევროპული და ევრო-ატლანტიკური ინტეგრაციის პროცესების შესახებ რეგიონებში ეფექტური კომუნიკაციის დამყარება.