სიახლეების გამოწერა

5 აპრილს შ.პ.ს. „საქართველოს ნერგებმა“ წალკის მუნიციპალიტეტის ადგილობრივი ხელისუფლების თხოვნით 250 ძირი კიპარისის ნერგი საჩუქრად გადასცა წალკის მუნიციპალიტეტის სოფ. ხარების საჯარო სკოლას. ნერგები სკოლის მიმდებარე ტერიტორიაზე ერთობლივად დარგეს ადგილობრივი ხელისუფლების წარმომადგენლებმა, წალკის საგანმანათლებლო რესურსცენტის თანამშრომლებმა, მასწავლებლებმა და სკოლის მოსწავლეეებმა.

გამგებლის მოადგილემ ემზარ გელოვანმა ბავშვებს აუხსნა თუ რა მნიშვნელობა აქვს თითოეულ მათ დარგულ ხეს მათი ჯანმრთელობისა და ეკოლოგიური მდგომარეობის გაუმჯობესებისათვის. მისი განცხადებით მსგავსი მნიშვნელობის ინიციატივები მომავალშიც გაგრძელდება წალკის მუნიციპალიტეტის სხვადასახვა სოფლებში.
ადგილობრივი ხელისუფლება, ხარების საჯარო სკოლის მასწავლებლები და მოსწავლეები დიდ მადლობას უხდის შპს “საქართველოს ნერგებს.“