სიახლეების გამოწერა

26 მაისს წალკის მუნიციპალიტეტში საქართველოს დამოუკიდებლობის 25-ე წლისთავთან დაკავშირებით წალკის მუნიციპალიტეტის გამგეობის ორგანიზებით საზეიმო ღონისძიებები გაიმართა.

სასპორტო სკოლის მიმდებარე ტერიტორიაზე გაიმართა საზეიმო კონცერტი, სადაც მონაწილეობდნენ წალკის მუნიციპალიტეტის კულტურის ცენტრთან არსებული ქორეოგრაფიული და ფოლკლორული ანსამბლები: ქორეოგრაფიული ანსამბლი „თაობა“, ბავშვთა საესტრადო ანსამბლი „მტრედები“, ბავშვთა საესტრადო ანსამბლი „აფხაზეთი“ უხუცესთა ანსამბლი „თრიალეთი“, გოგონათა ანსამბლი „არწივანი“. ასევე მონაწილეობდნენ წალკის მუნიციპალიტეტის საჯარო სკოლების მოსწავლეები, რომელთაც შეასრულეს პატრიოტულ თემაზე შექმნილი სიმღერები. 
პარალელურად სასპორტო სკოლის დარბაზში გაიმართა სპორტული ღონისძიებები: ფალავნობა ქართულ ჭიდაობაში და მკლავჭიდში, მუნიციპალიტეტის პირველობა ნარდში, მუნიციპალიტეტის პირველობა ჭადრაკში, მუნიციპალიტეტის პირველობა მინი ფეხბურთში. გამარჯვებულები დაჯილდოვდნენ - დიპლომებით, მედლებითა და თასებით, გამარჯვებულებს აღნიშნული ჯილდოები გადასცეს წალკის მუნიციპალიტეტის გამგეობისა და საკრებულოს ხელმძღვანელმა პირებმა და ქვემო ქართლის მხარის გუბერნიის წარმომადგენელმა გიორგი ხომერიკმა და ლევან ჟვანიამ.