სიახლეების გამოწერა

წალკის მუნიციპალიტეტში პირუტყვის დაავადებების კონტროლისა და კატასტროფების რისკის შემცირების მუნიციპალური სამუშაო ჯგუფი შეიქმნა.

2015 წლის 01 ივლისს 12:00სთ-ზე წალკის მუნიციპალიტეტის გამგებლის სამუშაო მაგიდის ირგვლივ შეიკრიბა წალკის მუნიციპალიტეტის პირუტყვის დაავადებების კონტროლისა და კატასტროფების რისკის შემცირების მუნიციპალური სამუშაო ჯგუფი. აღნიშნულ ჯგუფს ხელმძღვანელობს წალკის მუნიციპალიტეტის გამგებელი ილია საბაძე. ჯგუფის ფუნქციებში შედის: 1. ეფექტური ეპიზოოტური საკარნტინო ღონისძიებების განხორციელება; 2. პირუტყვის გადასარეკი ტრასის მონიტორინგი/პატრულირება სეზონური გადარეკვის დროს კონფლიქტების თავიდან აცილების მიზნით; 3. სხვა პრევენციული ღონისძიებების დაგეგმვა და განხორციელება კატასტროფების რისკის შემცირების მიზნით; 4. ინფორმაციის მიღება მოსახლეობისგან სპეციალური „ცხელი ხაზი“-ს მეშვეობით; 5. მუნიციპალიტეტის ტერიტორიაზე პირუტყვის დაავადებების, შესაძლო ბუნებრივი კატასტროფების, საძოვრების ფაქტობრივი მდგომარეობის კვლევა და შესაბამისი მონაცემთა ბაზის წარმოება ადგილობრივი ხელისუფლების მხრიდან რეაგირების უზრუნველსაყოფად; 6. სოფლის საძოვრების გონივრული მენეჯმენტის დანერგვა მათი მიზნობრივად და ეფექტურად გამოყენების მიზნით. 
შეხვედრას ესწრებოდნენ არასამთავრობო ორგანიზაცია „MersyCorps”-ის წარმომადგენლები. შეხვედრაზე განისაზღვრა სამუშაო ჯგუფის ფუნქციები, განისაზღვრა აგრეთვე კონკრეტული პასუხისმგებელი პირები და დაიგეგმა შემდგომში განსახორციელებელი სამუშაოები.