სიახლეების გამოწერა

წალკაში წყალმომარაგების სისტემის რეაბილიტაცია დაიწყო. მიმდინარე სარეაბილიტაციო სამუშაოები წყალმომარაგების კომპანიის დირექტორთან ნიკოლოზ ქიზიყურაშვილთან ერთად წალკის მუნიციპალიტეტის გამგებელმა ილია საბაძემ მოინახულა.

პროექტის ფარგლებში მოხდება სათავე ნაგებობების რეაბილიტაცია, სანიაღვრე კოლექტორისა  და საქლორატორის მოწყობა, 2 ახალი რეზერვუარის მშენებლობა, მაგისტრალური მილსადენის მშენებლობა/რეაბილიტაცია, ასევე  გამანაწილებელი ქსელის  ნაწილობრივი რეაბილიტაცია.  წყლის  ინფრასტრუქტურის რეაბილიტაციის შედეგად  წალკის მუნიციპალიტეტში მცხოვრებ 1200 ოჯახს წყლის ხარისხის პრობლემა მოუგვარდება და მოსახლეობა უზუნველყოფილი იქნება 24 საათიანი წყალმომარაგებით. პროექტი  2016 წელს დასრულდება. 
პროექტი ხორციელდება საქართველოს რეგიონული განვითარებისა და ინფრასტრუქტურის სამინისტროს საქართველოს გაერთიანებული წყალმომარაგების კომპანიის მიერ, მუნიციპალური განვითარების ფონდის ევროპის საინვესტიციო ბანკის დაფინანსებით.