სიახლეების გამოწერა

დღეს 31 ივლისს სოფ. არწივანში წალკის მუნიციპალიტეტის გამგებელმა ილია საბაძემ, საკრებულოს თავჯდომარემ ირაკლი გიგინეიშვილმა, სოფლის მეურნეობის სამინისტროს, წალკის მუნიციპალიტეტის საინფორმაციო-საკონსულტაციო სამსახურის თანამშრომლებთან ერთად საერთაშორისო არასამთავრობო ორგანიზაციის  ACF (ეისიეფ) მიერ დაფინანსებულ პროექტში გამარჯვებული ფერმერის უშანგი ბოლქვაძის კარტოფილის სადემონსტრაციო ნაკვეთი მოინახულეს.

არასამთავრობო ორგანიზაცია ACF (ეისიეფ) ბიზნესზე  ორინტირებული ფერმერთა მცირე ჯგუფებისა და სასოფლო-სამეურნეო კოოპერატივების განვითარების ხელშეწყობის, პროდუქტის ხარისხის, ასევე მათი ეროვნულ და საექსპორტო ბაზრებზე ხელმისაწვდომობის გაუმჯობესების მიზნით ახორციელებს სხვადასხვა ღონისძიებებსა და საგრანტო პროგრამებს. საგრანტო პროგრამის ფარგლებში  წალკის მუნიციპალიტეტში წინასწარ განსაზღვრული კრიტერიუმებით შეირჩა ფერმერი უშანგი ბოლქვაძე და მის საკუთრებაში არსებულ მიწის ნაკვეთის 1 ჰექტარზე  ზემო აღნიშნული არასამთავრობო ორგანიზაციის 60% თანადაფინანსებით დაირგო ჰოლანდიიდან ჩამოტანილი „ელიტა“ კლასის კარტოფილი, მოეწყო თანამედროვე საირიგაციო-სარწყავი სისტემა და შეძენილ იქნა ბელარუსის ტიპის ტრაქტორი რომელიც დღეს საკუთრებაში გადაეცა ფერმერს. 
პროექტი ხორციელდება ევროკავშირის დაფინანსებით. პროექტის წარმატებით განხორციელებაში  აქტიურადაა ჩართული ადგილობრივი ხელისუფლებაც.