სიახლეების გამოწერა

21 სექტემბერს წალკის მუნიციპალიტეტის საბავშვო ბაღის შენობაში ქვემო ქართლის სახელმწიფო რწმუნებულის-გუბერნატორის ბატონ პაატა ხიზანაშვილის ინიციატივიტა და წალკის მუნიციპალიტეტის გამგეობის მხარდაჭერით თვალის მიკროქირურგიის ჯავრიშვილის კლინიკა „ოფთალმიჯი“-ს ექიმებმა უფასო სამედიცინო აქცია გამართეს.

„ოფთალმიჯი“-ს ექიმების სამედიცინო აქცია პირველად წალკის მუნიციპალიტეტში გაიმართა და იგეგმება ქვემო ქართლის რეგიონის ყველა მუნიციპალიტეტში. აქციის ფარგლებში ოფთალმოლოგ ექიმებმა უფასო სამედიცინო კონსულტაცია და მომსახურება გაუწიეს წალკის მუნიციპალიტეტში მცხოვრებ მოქალაქეებს, ხოლო იმ მოქალაქეებს რომელთაც აღმოაჩნდათ თვალის დაავადება „კატარაქტა“, რომელიც იწვევს მხედველობის თანდათანობით დაქვეითებას და ესაჭიროებათ ოპერაცია კლინიკა “ოფთალმიჯი“ შემდგომ ეტაპზე მუნიციპალიტეტის მხარდაჭერით, საყოველთაო ჯანდაცვის პროგრამის ფარგლებში პაციენტებს ადგილზე ჩაუტარებს ქირურგიულ მომსახურებას (ოპერაცია). უფასო სამედიცინო აქციის მიმდინარეობას დაესწრო წალკის მუნიციპალიტეტის გამგებელი ილია საბაძე და გამგებლის მოადგილე ფეოხარ პარასკევოვი.