სიახლეების გამოწერა

საერთაშორისო ასოციაცია „ქალი და ბიზნესი“ და საქართველოს ბიზნესის განვითარების ცენტრი ბრიტანული საქველმოქმედო ორგანიზაციის OXFAM საქართველოს ფინანსური მხარდაჭერით, ერთობლივად ახორციელებენ პროექტს „ძლიერი ქალები სოფლად“, რომლის ფარგლებშიც 24 სექტემბერს 12:00 სთ წალკის მუნიციპალიტეტის გამგეობის საკონფერენციო დარბაზში მორიგი სამუშაო შეხვედრა გაიმართა მუნიციპალიტეტში მცხოვრებ ქალბატონებთან.

აღნიშნული პროექტი დაიწყო 2014 წლის ოქტომბერში და ხორციელდება ხუთი რეგიონის სხვადასხვა მუნიციპალიტეტებში. პროექტის მიზანია, სასოფლო-სამეურნეო საქმიანობაში ჩართული ქალების როლის გაძლიერება, გააქტიურება თემსა და რეგიონში, საზოგადოების ინფორმირება ქალთა პრობლემებისა და საჭიროებების შესახებ. ასევე პროექტის ფარგლებში რეგიონების მაშტაბით ყველა სამიზნე რეგიონში ჩამოყალიბდება ფერმერული კლუბები, ვინაიდან სოფლის მეურნეობის განვითარებისთვის აუცილებელია ფერმერთა კონსოლიდაცია რაც უზრუნველყოფს სოფლად მცხოვრები ქალებისა და მამაკაცების შესაძლებლობების გაზრდას, აქტიურ ჩართულობას ადგილობრივი სოფლის მეურნეობის განვითარებაში.
პროექტი ხორციელდება ევროპის სამეზობლო პროგრამის „სოფლის მეურნეობის და სოფლის განვითარებისათვის“ „ENPARD”-ის ფარგლებში პროგრამას აფინანსებს ევროკავშირი (EU)